ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
თსუ იურიდიულ ფაკულტეტმა რეგენსბურგის უნივერსიტეტის წარმომადგენლებს - პროფესორ გერიტ მანსსენს, პროფესორ რობერტ უერფმან-ვითცაკსა და მეცნიერ-მკვლევარ ქეთევან ქისტაურს უმასპინძლა.
რეგენსბურგის უნივერსიტეტის წარმომადგენლებთან შეხვედრა გამართეს თსუ იურიდიული ფაკულტეტის დეკანმა ასოც. პროფ. თამარ ზარანდიამ, დეკანის მოადგილეებმა - პროფ. ირმა ხარშილაძემ და ასოც. პროფ. გიორგი დგებუაძემ, აგრეთვე პროფ. პაატა ტურავამ და ასოც. პროფ. კობა ყალიჩავამ.
რეგენსბურგის უნივერსიტეტის პროფესორებმა თსუ იურიდიული ფაკულტეტის სტუდენტებისთვის 2024 წლის 3 და 4 აპრილს გამართეს გერმანულენოვანი საჯარო ლექცია ადმინისტრაციულ სამართალში, რომლებსაც უძღვებოდნენ პროფ. დოქტ. გერიტ მანსსენი და პროფ. დოქტ. რობერტ უერფმან-ვითცაკი.
პროფ. დოქტ. გერიტ მანსსენის საჯარო ლექციის ფარგლებში მსჯელობა წარიმართა ადმინისტრაციული სამართლის ადგილსა და როლზე სამართლებრივ სახელმწიფოში, გერმანიის ადმინისტაციულ სასამართლოთა განსჯადობასა და უწყებრივ ქვემდებარეობაზე. ხოლო პროფ. დოქტ. რობერტ უერფმან-ვითცაკის საჯარო ლექცია შეეხო ადამიანის უფლებათა ევროპული კონვენციის მე-6 (სამართლიანი სასამართლო განხილვის უფლება) და მე-13 მუხლების (სამართლებრივი დაცვის ქმედითი საშუალების უფლება) განმარტებასა და შედარებას.
რეგენსბურგის უნივერსიტეტის წარმომადგენლების ვიზიტის ფარგლებში განიხილეს ერთობლივი სასწავლო პროგრამების შექმნის შესაძლებლობები.
